Longitudinell studie
STUDIE
Nasjonal longitudinell studie blant offentleg tannhelsepersonell i Noreg.
PUBLISERING
Pågåande studie
Ei nasjonal spørjeundersøking blant alle tannlegar, tannpleiarar og psykologar tilsett i den offentlege tannhelsetenesta i Noreg blei gjennomført i 2019. Undersøkinga er ei oppfylging av ei nasjonal spørjeundersøking som blei gjennomført blant alle tannlegar og tannpleiarar tilsett i den offentlege tannhelsetenesta i Noreg i 2014. Formålet med studien er å skaffa ny kunnskap om ulike aspekt knytt til barn i risiko, oral helse og tannhelsetenesta sine erfaringar med tverrfagleg samarbeid.
Forskingsprosjektet er nasjonalt og er eit samarbeid mellom alle landets fylkestannlegar/direktørar, Universitetet i Bergen, Statens barnehus Bergen og Tannhelsetjenestens kompetansesenter Vestland.
Resultat og status:
Det er publisert fleire fleire vitskaplege artiklar frå denne studien. Forskingsfunn frå den offentlege tannhelsetenesta i Noreg er lagt til grunn for oppbygging og utvikling av opplæringsprogrammet, Kunnskapsreisen for tannhelsepersonell.
Arbeid med innsamla data og fleire vitskaplege artiklar pågår.
Hjarteleg takk
Barn i risiko og oral helse, takkar alle i den offentlege tannhelsetenesta i Noreg som har deltatt i studien. Ved å svara på spørjeundersøkingane, dela kunnskap og erfaring, har kvar einskild gitt eit viktig bidrag og medverka til auka kunnskap og forståing til beste for barn i risiko. Ei særskilt takk til leiarane i den offentlege tannhelsetenesta i Noreg som har gjort dette mogleg.